Kveldssong (for deg og meg)

Fir’og tjue kråker
sit på ein madrass
Endå ei vil sitje
men det er ikkje plass.

Fiskane i havet,
søv og drøymer søtt.
Nøkken nedi tjernet
har eg aldri møtt.

Mor og far har lagt seg.
Eg er vaken, eg.
No klatrar eg ut glaset,
Så spring eg bort til deg.

Mens grisen står og hyler
og månen lyser kvit.
Sit du og eg på taket
og ler og pratar skit.

Tekst (utdrag): Ragnar Hovland, tonesett av Odd Nordstoga